Army Agniveer Result 2024: भारतीय लष्कराने अग्निवीरचा निकाल जाहीर केला आहे. भारतीय लष्कराने लेखी परीक्षेचा निकाल जाहीर केला आहे. उमेदवार joinindianarmy.nic.in अधिकृत वेबसाइटवर जाऊन निकाल पाहू शकतात. ही परीक्षा 22 एप्रिल ते 3 मे 2024 या कालावधीत घेण्यात आली होती. लेखी परीक्षेतील यशस्वी उमेदवारांना पुढील निवड प्रक्रियेसाठी बोलावले जाईल.
सध्या भारतीय लष्कराने राजस्थानसाठी आर्मी अग्निवीरचा निकाल जाहीर केला आहे. भारतीय लष्करात अग्निवीर जीडी, अग्निवीर ट्रेड्समन, अग्निवीर टेक, अग्निवीर नर्सिंग असिस्टंट आणि अग्निवीर ऑफिस असिस्टंट पदांच्या भरतीसाठी घेण्यात आलेल्या लेखी परीक्षेचा निकाल जाहीर करण्यात आला आहे. लवकरच इतर राज्यांचाही निकाल जाहीर होणार आहे. लेखी परीक्षेत यशस्वी झालेल्या उमेदवारांना शारीरिक चाचणीसाठी बोलावले जाईल.
आर्मी अग्निवीर रिझल्ट 2024 कसा तपासावा
स्टेप १- joinindianarmy.nic.in अधिकृत संकेतस्थळाला भेट द्या.
स्टेप २- होम पेजवर दिलेल्या सीईई रिझल्ट टॅबवर क्लिक करा.
स्टेप ३- आता कॅप्चा प्रविष्ट करा आणि सबमिट करा.
स्टेप ४- पीडीएफ तुमच्या स्क्रीनवर दिसेल.
स्टेप ५- आता रोल नंबरच्या मदतीने निकाल तपासा.
निवड प्रक्रियेत करण्यात आला बदल
भारतीय लष्कराने अग्निवीर भरती निवड प्रक्रियेत बदल केले आहेत. पूर्वी भरती मेळाव्याचे आयोजन करण्यात आले होते आणि यशस्वी उमेदवार लेखी परीक्षा देत असत, परंतु आता त्यांना आधी लेखी परीक्षा उत्तीर्ण करावी लागणार आहे. परीक्षेतील यशस्वी उमेदवारच भरती रॅलीत सहभागी होऊ शकतात. रॅलीतील गर्दी कमी करण्यासाठी लष्कराने हा बदल केला आहे.